19.2.19

वीर रस क कविता

सब लिखेन
वीर रस क कविता
हमहूँ सोचे
लिख ही दें 
वीर रस क कविता

सबसे पहिले
आपन वीरत्व के जगाई
कलम में
तबे न कुछ धार देखाई?

बहुत खोजे
वीर तत्व ससुरा!
वक्त के चाकी मा पिसाय-पिसाय
पिसान अस दुबका रहा 
रसोई के टीना मा!

टीना से निकाल के
थरिया में उझील दिया
दे पानी, मार छींटा, 
जगावे के कोशिश मा
अपने आटा गीला होई गा!

बेल के लोई
आग में पकाय दिया
वीर तत्व ससुरा
आँच पे चढ़ा त
रोटी अस फूल गा!

चबाय-खाय सूत गए
भिनसहरे उठे
फिन लिखे पड़ा...
विनम्र श्रद्धांजलि!

8 comments: